Соловки – славянская «Голгофа». Памяти всех пострадавших от гонений посвящается
7 февраля по новому стилю будет поминаться Собор новомучеников и исповедников Церкви Русской.
Иерей Андрей Чиженко
Соловки. В XVIII преподобным Иовом Анзерским на одном из Соловецких островов – Анзер – был основан Голгофо-Распятский скит. По преданию, святому явилась Пресвятая Богородица и сказала: «Эта гора отныне называется второй Голгофою; на ней будет устроена великая каменная церковь распятия Сына Моего и Господа и учредится скит… Я Сама буду посещать гору и пребуду с вами во веки».
Слова Девы Марии оказались пророческими. Соловки стали воистину славянской «Голгофой» XX века.
В данной статье мы не ставили задачу описать историю Соловецкого монастыря или подробности житий мучеников и исповедников, томившихся в многотысячной северной тюрьме. Наша цель – передать атмосферу Соловецкой тюрьмы особого назначения, обозначавшейся в советских бюрократических документах аббревиатурой «СТОН».
Воистину «СТОН» Святой Руси…
Соловки – это архипелаг, состоящий из шести островов, общей площадью до 350 километров. Они находятся на севере России – в Белом море. Климатические условия там сложные. Лето короткое, тучи комариного гнуса грызут человека до крови. Зимы длинные – морозы за тридцать градусов. Монахам Соловецкого Спасо-Преображенского монастыря было очень непросто молиться и трудиться в условиях русского Севера на благо родной обители и во спасение собственной души. В мае 1920 года монастырь закрыли. В течение нескольких лет богатства, накопленные веками, грабили. Выковыривали драгоценные камни из окладов икон, митр. Позже над Спасо-Преображенским собором – главным храмом обители – повесили красный флаг. В церквях и других помещениях монастыря устроили арестантские палаты. Изо всех концов Советского Союза начали свозить в лагерь архиереев, священников, монахов, дворян, бывших заводчиков, купцов, крестьян, политических оппонентов и всех тех, кто стал неугоден режиму.
Начальник лагерей А. П. Ногтев говорил: «…У нас здесь власть не советская, а соловецкая».
Сначала было конвоирование по этапу. Долгое плавание к острову в корабельной удушливой закрытой камере на нарах. Потом, чтобы сломить волю и психику новоприбывших, изможденных, промерзших до костей, голодных и жаждущих заключенных, проводилась перекличка. Первое имя. Человек выходит из строя. Выстрел. И он падает. Труп охранники оттаскивают в сторону. Те, кто выжил в этих лагерях, рассказывают, что на каждой перекличке совершали один-два произвольных расстрела. И люди не знали, кто может оказаться следующим.
За «невыполнение норм выработки» зимой «зэка» могли ночью оставить в деревянной голубятне без отопления, а утром вытащить замерзшее тело. Летом за тот же проступок «ставили на комарики»: раздевали человека и оставляли связанным в лесу; за несколько дней гнус съедал его заживо.
Каторжное население Соловков колебалось от 15 до 20 тысяч человек. За каждую зиму от цинги, туберкулеза и истощения умирало 7-8 тысяч.
В феврале 1929 года роту заключенных, около ста человек, за невыполнение плана по сооружению дороги загнали на костер, они сгорели живьем.
Самым страшным местом в лагере считалось место пыток Секирная Гора, или «Секирка». Арестанты о ней вспоминают следующее…
…Там в двухэтажном соборе были устроены карцеры, где арестанты должны были сидеть неподвижно весь день на жердях толщиной в руку, протянутых от стены до стены. Высота жердей была такова, что ноги не доставали до пола, и удержать равновесие удавалось с трудом. Сорвавшихся жестоко избивали или сбрасывали с лестницы в 365 ступеней, привязанных к бревну. На ночь разрешалось устраиваться на полу. В 30-градусный мороз помещение не отапливалось. Чтобы как-то сохранить тепло, люди вынуждены были устраиваться на ночь «штабелями», т. е. один ряд на другом, набрасывая сверху оставленные им обрывки одежды. Урезанная до микроскопических размеров «пайка», неподвижное сидение на жердях вкруг под дулом часового увеличивали статистику смертей не меньше, чем произвол самих конвойных.
В одном из таких «штабелей» замерз или задохнулся ночью полтавский батюшка Никодим. Он был лагерным исповедником. Часто его по бельевой веревке спускали в крошечные оконца камер, бывших ранее монашескими кельями, чтобы Господь мог через священника разрешить грехи страдальцев.
Кстати говоря, служились в лагерях и Литургии. Об этом очень хорошо написал в своей книге «Несвятые святые» архимандрит (ныне епископ) Тихон (Шевкунов).
Один из батюшек раздевался до пояса и ложился на спину. Так как любой священник получает благодать Святого Духа в Таинстве Хиротонии, то считалось, что он освящен Богом. Потому его грудь служила Престолом, на котором совершалась Евхаристия. Служили на клюквенном соке и черном хлебе, за неимением просфор и вина. К слову, сэкономить и эти продукты в виду опасности голодной смерти уже являлось подвигом. Кроме того, за совершение Божественной литургии можно было легко попасть на Секирную Гору.
О своем пребывании в тюрьмах, в том числе и на Соловках, уроженец Одесского края священномученик епископ Дамаскин (Цедрик) говорил: «А что же, там люди хорошие, я и сейчас готов опять, туда», – считая, как и многие архиереи, что на свободе в это время было нравственно хуже, чем в заключении.
Священнослужители в «СТОНе» сохранили иерархию. Они образовали орган – Собор соловецких епископов. Иерархи и духовенство представляли собой организованную группу заключенных, во главе которой стоял правящий епископ Соловецкий. Последовательно ими избирались священномученики: епископы Евгений (Зернов) и Прокопий (Титов), архиепископы Иларион (Троицкий) и Петр (Зверев).
В 1926 году Собором соловецких епископов был совершен поступок огромного мужества. Правительству СССР направлено «Соловецкое послание», в котором, в частности, есть такие слова:
« Это расхождение лежит в непримиримости религиозного учения Церкви с материализмом, официальной философией коммунистической партии и руководимого ею правительства Советских республик.
Никакими компромиссами и уступками, никакими частичными изменениями в своем вероучении или перетолкованиями его в духе коммунизма Церковь не могла бы достигнуть такого сближения».
«СТОН» была ликвидирована в 1939 году. Около трех четвертых священнослужителей-заключенных расстреляли в 1937-м.
Указом Патриарха Московского и всея Руси Алексия II от 25 марта 2000 года было установлено 10 августа по старому стилю (23 августа н. ст.) праздновать день памяти Собора новомучеников и исповедников Соловецких.
Всего в этом Соборе семьдесят имен известных нам святых. Среди них – 16 человек, родившихся или служивших в Украине. Вообще известно, что на Соловках отбывали наказание около 80 архиереев и около четырехсот священнослужителей.
Писатель Борис Ширяев, бывший арестантом Соловецких лагерей и описавший тамошнюю жизнь в повести «Неугасимая лампада», рассказывает о том, что однажды в лесу неподалеку от лагеря он наткнулся на отшельническую келью монаха-подвижника. Этот аскет, возможно, был, последним духовным воином Соловецкой обители. Перед лампадой согбенный старец исполнял свое молитвенное правило. И эта светлая келья навсегда стала для Ширяева символом победы молитвы над смертью.
Для нас Соловецкий монастырь, ставший тюрьмою, и тюрьма, снова преобразованная в храм, пусть будет символом победы новомучеников и исповедников Церкви Русской, Которая стояла, стоит и будет стоять, выкупленная Кровью Христа и омытая кровью наших предков, отдавших за Нее жизнь. И это воистину Пасха Красная!
Святии новомученики и исповедники Соловецкие, молите Бога о нас!
Служба Собору новомучеников и исповедников Соловецких
Текст утвержден Священным Синодом
Русской Православной Церкви
27 января 2011 года (журнал № 163)
Ме́сяца а́вгуста в 10-й день
Собо́р новому́чеников и испове́дников Солове́цких
На вели́цей вече́рни
На Го́споди, воззва́х: стихи́ры пра́здника, и святы́х, глас 1:
Прииди́те, ве́рнии,/ хвалу́ воздади́м собо́ру новому́чеников,/ за Христа́ на о́стровех Солове́цких пострада́вших,/ ве́ру же и́стинную до конца́ сохра́ньших./ Ти́и бо, му́ки ве́лия претерпе́вше,/ на Небесе́х ны́не наслажда́ются ра́дости неизрече́нныя,/ Солове́цтей земли́ я́вльшеся сокро́вище безце́нное// и ми́ру всему́ пропове́дание покая́ния.
Пе́рвым му́чеником за Христа́ уподо́бистеся,/ страстоте́рпцы Солове́цтии:/ ти́и бо гоне́ния и муче́ния/ от язы́к нечести́вых и злове́рных претерпева́ху./ Вы же страда́ния и смерть/ от богоотсту́пник страны́ на́шея прия́сте,/ не убоя́вшеся мучи́телей, телеса́ ва́ша терза́ющих,/ душ же не могу́щих уби́ти:/ тем ве́чныя жи́зни сподо́бистеся// и со все́ми святы́ми упокое́ния.
У́зницы незло́бивии свяще́ннии,/ вы, поруга́ние и истяза́ния претерпе́вше,/ любве́ ра́ди боже́ственныя не устраши́стеся сме́рти лю́тыя./ Зло́бы же не иму́ще о уби́йцах ва́ших,/ тех озлобле́нию и беззако́нием проси́сте оставле́ния/ и, крест му́ченический на себе́ кро́тце подъе́мше,// преподо́бным отце́м Солове́цким приложи́стеся.
Что нищета́ и ско́рби на́ша,/ с ве́рою му́ченицы вопия́ху?/ Что боле́зни и му́ки от челове́к быва́емыя,/ си́ле боже́ственней вся превозмога́ющей?/ Во Христе́ бо распе́ншемся за ны и воскре́сшем/ кре́пость на́ша, живо́т и упова́ние,// умерщвля́еми Его́ ра́ди Ца́рствие Бо́жие обрета́ем.
Сла́ва, глас 6:
Прииди́те, ве́рнии,/ возсла́вим новому́ченики и испове́дники Солове́цкия,/ и́же многоразли́чная страда́ния претерпе́ша:/ кро́ва оте́ческаго лише́ние,/ со дру́ги и сро́дники разлуче́ние,/ в темни́цы мра́чныя заточе́ние,/ от гла́да и хла́да истоща́ние,/ от тя́жких рабо́т изнеможе́ние,/ и ина́я вся́кая изнуре́ния и му́ки./ Оба́че, си́лою Бо́жиею укрепля́еми,/ я́рость де́монскую низложи́ша/ и от ско́рби сме́ртныя к блаже́нству ра́йскому востеко́ша./ Те́мже к ним с любо́вию возопии́м:/ я́ко ве́лие иму́ще дерзнове́ние ко Го́споду,// моли́те спасти́ся душа́м на́шим.
И ны́не, пра́здника, глас то́йже:
Прообразу́я воскресе́ние Твое́, Христе́ Бо́же,/ тогда́ поя́т три Твоя́ ученики́,/ Петра́, и Иа́кова, и Иоа́нна,/ на Фаво́р возше́л еси́./ Тебе́ же, Спа́се, преобразу́ющуся,/ Фаво́рская гора́ све́том покрыва́шеся,/ ученицы́ Твои́, Сло́ве,/ поверго́ша себе́ до́лу на земли́,/ не терпя́ще зре́ти неви́димаго зра́ка,/ А́нгели служа́ху стра́хом и тре́петом,/ небеса́ убоя́шася,/ земля́ вострепета́,// ви́дяще на земли́ сла́вы Го́спода.
Вход. Проки́мен дне. И чте́ния му́ченическая.
На лити́и стихи́ра хра́ма, и святы́м, глас 8.
Подо́бен: О, пресла́внаго чудесе́:
О, лю́тыя зло́бы нечести́вых!/ Оби́тель Солове́цкая, пре́жде многосла́вная,/ темни́ца быва́ет/ и благоле́пныя добро́ты лиша́ется,/ бесче́стию и поруга́нию предае́тся/ и нечести́выми разоря́ется./ Оба́че страда́нии новому́ченик/ па́ки освяща́ется и украша́ется// и благовеству́ет сла́ву кре́стную.
Сла́ва, глас 4:
Вас, Солове́цтии новому́ченицы,/ лю́тая муче́ния претерпе́вшия/ и си́лою Христо́вою бесо́вскую горды́ню низложи́вшия,/ от ско́рби сме́ртныя к блаже́нству ра́йскому восте́кшия/ и дерзнове́ние ве́лие к Бо́гу иму́щия:/ мы, немощни́и бра́тия ва́ши,/ страда́ния и по́двиги ва́ша почита́юще,/ немо́лчными усты́ прославля́ем и та́ко взыва́ем:/ огради́те нас от напа́стей и злоухищре́ний вра́жиих/ и по́мощь свы́ше подава́йте,/ во е́же ве́ру Христо́ву нам непоро́чно сохрани́ти// и в день су́дный от Влады́ки и Го́спода поми́лование улучи́ти.
И ны́не, пра́здника, глас 5:
Зако́на и проро́ков/ Тя, Христе́, Творца́ и Исполни́теля свиде́тельствоваша,/ зря́ще во о́блаце,/ Моисе́й Богови́дец и Илия́ огнеколесни́чник/ и неопа́льный небоше́ственник,/ в преображе́нии Твое́м./ С ни́миже и нас Твоего́ просвеще́ния сподо́би, Влады́ко,// пе́ти Тя во ве́ки.
На стихо́вне стихи́ры, глас 1. Подо́бен: Небе́сных чино́в:
Блаже́ни есте́, новому́ченицы Солове́цтии,/ я́ко, си́лою кре́стною себе́ огради́вше,/ страх сме́рти презре́ли есте́/ и, лука́вство вра́жие любо́вию ко Христу́ попра́вше,/ муче́ния лю́тая и убие́ние претерпе́ли есте́.// Сего́ ра́ди вас ублажа́ем.
Стих: Тебе́ ра́ди умерщвля́еми есмы́ весь день,// вмени́хомся я́ко о́вцы заколе́ния.
Блаже́ни есте́, страстоте́рпцы Солове́цтии,/ я́ко дре́вним му́чеником во страда́ниих подо́бящеся,/ ра́вную тех благода́ть стяжа́ли есте́/ и кро́вию ва́шею, я́ко багряни́цею,/ Це́рковь Христо́ву украси́ли есте́.// Сего́ ра́ди вас велича́ем.
Стих: Воскресни́, Го́споди, помози́ нам,// и изба́ви нас и́мене ра́ди Твоего́.
Блаже́ни есте́, испове́дницы Солове́цтии,/ я́ко от ра́зных конце́в земли́ Росси́йския/ про́мыслом Бо́жиим во еди́но ме́сто собра́ннии,/ еди́ну ча́шу страда́ния испи́ли есте́/ и ны́не вку́пе во Ца́рствии Небе́снем ра́дуетеся.// Сего́ ра́ди вас почита́ем.
Сла́ва, глас 6:
Прииди́те, ублажи́м новому́ченики и испове́дники Солове́цкия,/ и́же, страда́ния многоразли́чная претерпе́вше/ и живо́т свой в дар Христу́ Бо́гу прине́сше,/ Ца́рствия Небе́снаго жи́тели яви́шася,/ прие́млет бо любо́вию Госпо́дь Свободи́тель/ стра́ждущия Его́ ра́ди в жи́зни вре́менней/ и благода́ть неотъе́млему да́рует,// е́же моли́тися о нас.
И ны́не, пра́здника, глас то́йже:
Петру́, и Иа́кову, и Иоа́нну,/ лу́чшим ученико́м Твои́м, Го́споди,/ днесь показа́л еси́ на горе́ Фаво́рстей/ сла́ву Боже́ственнаго Твоего́ зра́ка:/ ви́дяху бо ри́зы Твоя́ облиста́вшия, я́ко свет,/ и лице́ Твое́ па́че со́лнца,/ не терпя́ще зре́ти нестерпи́мое Твоего́ сия́ния,/ на зе́млю низпа́даху,/ ника́коже зре́ти могу́ще./ Глас же слы́шаху, свиде́тельствующ свы́ше:/ Сей есть Сын Мой возлю́бленный,// прише́дый в мир спасти́ челове́ка.
Тропа́рь, глас 1:
На у́трени
По 1-м стихосло́вии седа́лен, глас 4:
В же́ртву непоро́чную Бо́гу принесо́сте себе́, святи́и новому́ченицы,/ препоя́сани бо си́лою Христо́вою,/ ничи́мже отлучи́стеся от любве́ Бо́жия./ Тем возвели́чи и просла́ви вас Царь ми́ра,/ еди́ною путь кре́стный ко спасе́нию всем лю́дем показа́вый.
Сла́ва, и ны́не, пра́здника, глас то́йже.
Подо́бен: Удиви́ся Ио́сиф:
Челове́ческое изменéние, е́же со слáвою Твоéю, Спа́се,/ второ́е и стрáшное Твоего́ пришéствия показýя,/ на горе́ Фаво́рстей преобрази́лся еси́./ Илия́ и Моисе́й глаго́лаху с Тобо́ю,/ и трие́х от учени́к спризва́в,/ и́же ви́девше, Влады́ко, сла́ву Твою́, блиста́нию Твоему́ удиви́шася./ И́же тогда́ сим свет Твой возсия́вый, просвети́ ду́ши на́ша.
По 2-м стихосло́вии седа́лен, глас 5:
Христа́ в себе́ иму́ще, ча́да Бо́жия яви́лися есте́, страстоте́рпцы,/ и, по́двиг испове́дания до́бре соверши́вше,/ я́ко свети́льницы пресве́тлии, ми́ру просия́ли есте́./ Сего́ ра́ди, честну́ю па́мять ва́шу соверша́юще, пе́сненно вас ублажа́ем.
Сла́ва, и ны́не, пра́здника, глас 4.
Подо́бен: Удиви́ся Ио́сиф:
На горе́ Фаво́рстей преобрази́лся еси́, Иису́се,/ и о́блак све́тел, протяза́ющся, я́ко сень, апо́столы сла́вою покры́,/ те́мже и на зе́млю ниц па́даху,/ не терпя́ще зре́ти све́тлости непристу́пныя сла́вы лица́ Твоего́,/ Безнача́льне Спа́се, Христе́ Бо́же./ И́же тогда́ сим Свет Твой возсия́вый, просвети́ ду́ши на́ша.
Велича́ние:
Велича́ем вас,/ святи́и новому́ченицы и испове́дницы Солове́цтии,/ и чтим честна́я страда́ния ва́ша,/ я́же за Христа́// претерпе́ли есте́.
Псало́м избра́нный: Бог нам Прибе́жище и Си́ла:
По полиеле́и седа́лен, глас 5:
О, новому́ченицы Солове́цтии, кре́пцыи на́ши засту́пницы!/ Страда́нии ва́шими земля́ Солове́цкая па́че освяти́ся/ и Це́рковь Ру́сская све́тло просла́вися./ Мы же, на по́двиг и кончи́ну ва́шу взира́юще, со умиле́нием взыва́ем:/ ра́дуйтеся, сро́дницы на́ши святи́и,/ пред Престо́лом Бо́жиим дерзнове́ннии о нас моли́твенницы.
Сла́ва, и ны́не, пра́здника, глас 4.
Подо́бен: Вознесы́йся:
Возше́д со ученики́ на го́ру, и во сла́ве О́тчи облиста́в,/ с Моисе́ом Илия́ Тебе́ предстоя́т,/ зако́н и проро́цы бо я́ко Бо́гу слу́жат./ Ему́же и сыновство́ есте́ственное Роди́тель испове́дая, нарица́ше Сы́на,/ Его́же воспева́ем с Тобо́ю и Ду́хом.
Степе́нна, 1-й антифо́н 4-го гла́са.
Проки́мен, глас 4: Проидо́хом сквозе́ огнь и во́ду,// и изве́л еси́ ны в поко́й. Стих: Разже́гл ны еси́, я́коже разжиза́ется сребро́. Вся́кое дыха́ние: Ева́нгелие от Матфе́я, зача́ло 36 (10, 16–22).
По 50-м псалме́ стихи́ра, глас 6:
Ве́рностию Го́споду до сме́рти/ вене́ц сла́вы прия́сте,/ страстоте́рпцы достохва́льнии,/ житие́ бо печа́льми и скорбьми́ испо́лнено пожи́вше,/ ра́дость соверше́нную в Бо́зе обрето́сте/ и, Про́мыслу Бо́жию себе́ всеце́ло вве́ривше,/ прича́стницы жи́зни ве́чныя яви́стеся./ Те́мже моли́теся о нас ко Го́споду,// да спасе́т ду́ши на́ша.
Кано́н му́чеником, глас 8.
Песнь 1
Ирмо́с: Пресла́вный в мо́ри устро́ивый лю́дем путь,/ Небе́сное нам ше́ствие проходи́мо сотвори́,// да но́вую песнь пои́м Тебе́, Го́споди.
Припе́в: Го́споди Иису́се Христе́, Бо́же наш, поми́луй нас.
Христе́, А́гнче Бо́жий,/ благода́ть не то́кмо ве́ровати, но страда́ти по Тебе́ лю́дем Твои́м дарова́вый,/ даждь нам ра́зум досто́йно воспе́ти страда́ния новому́чеников Солове́цких,/ да назида́ются ве́рнии их по́двиги.
Я́коже дре́вле посреде́ мо́ря путь лю́дем Изра́ильским устро́ивый, Го́споди,/ си́це и ны́не на о́стровех Солове́цких лю́дем Твои́м посреде́ страда́ний лю́тых/ путь в Ца́рствие Небе́сное проходи́мь сотвори́л еси́,/ да воспою́т Тебе́ песнь побе́дную.
Припе́в: Святи́и новому́ченицы и испове́дницы Солове́цтии, моли́те Бо́га о нас.
Прииди́те, празднолю́бцы, па́мять новому́чеников Солове́цких просла́вим:/ си́и бо, от всех конце́в земли́ Росси́йския на о́стровех сих собра́ннии,/ кровь за Христа́ проли́ша и Це́рковь Ру́сскую украси́ша.
Богоро́дичен: Изба́вльшеся честны́м Рождество́м Твои́м, Де́во,/ а́дских и тле́нных уз и зако́ннаго осужде́ния, Пречи́стая,/ ра́дуйся, Обра́дованная, благода́рно вопие́м Ти,/ спаси́тельная Две́ре благода́ти.
Песнь 3
Ирмо́с: Утвержде́й на ка́мени ве́ры,/ на сем сози́жду Мою́ Це́рковь, реки́й Го́споди,/ спаси́ мя вопию́ща:/ Ты еси́, Христе́, Сын Бо́га жива́го,// и в Тебе́ утверди́ся дух мой.
Себе́ отве́ргшеся и крест взе́мше,/ Христу́ после́довали есте́, страстоте́рпцы Солове́цтии,/ и, ду́ши ва́ша за Него́ положи́вше,/ неувяда́емый вене́ц сла́вы на Небесе́х прия́ли есте́.
Ка́меню ве́ры, священному́чениче Пе́тре, архиере́ю достохва́льне,/ Воро́нежския земли́ сла́во и похвале́ние,/ ты во дни страда́ний на о́стровех Солове́цких испове́днически вопия́л еси́:/ Христо́с есть Сын Бо́га жива́го,/ и в Нем утверди́ся дух мой.
Сто́лпе Правосла́вия неруши́мый, красото́ и сла́во Це́ркве Ру́сския, священному́чениче Евге́ние,/ ты, ста́рей от архиере́ев во узи́лищи Солове́цтем быв,/ пра́вило ве́ры и о́браз кро́тости юне́йшим яви́л еси́/ и Христа́ Бо́га до кончи́ны дней твои́х испове́дал еси́.
Богоро́дичен: Скве́рну всю пе́рвыя отложи́вше сне́ди,/ живо́тнаго хле́ба с Небесе́ напита́емся,/ от земли́ Де́вы возсия́вшаго,/ Ю́же, я́ко Хода́таицу благи́х, воспои́м.
Конда́к пра́здника, глас 7. Самогла́сен:
На горе́ преобрази́лся еси́,/ и я́коже вмеща́ху ученицы́ Твои́,/ сла́ву Твою́, Христе́ Бо́же, ви́деша,/ да егда́ Тя у́зрят распина́ема,/ страда́ние у́бо уразуме́ют во́льное,/ ми́рови же пропове́дят,// я́ко Ты еси́ вои́стину О́тчее сия́ние.
И́кос:
Воста́ните, лени́вии, и́же всегда́ ни́зу пони́кшии в зе́млю души́ моея́ по́мыслы,/ возми́теся и возвы́ситеся на высоту́ Боже́ственнаго восхожде́ния./ Притеце́м к Петру́ и к Зеведе́евым,/ и вку́пе со о́неми Фаво́рскую го́ру дости́гнем,/ да ви́дим с ни́ми сла́ву Бо́га на́шего, глас же услы́шим,/ его́же свы́ше слы́шаша, и пропове́даша О́тчее сия́ние.
Седа́лен святы́м, глас 4:
Новому́ченицы приснопа́мятнии,/ вы, а́ще живу́ще, а́ще умира́юще, вы́ну Го́сподеви предстоя́ли есте́/ и, ду́ши за ве́ру Христо́ву положи́вше,/ Небе́снаго жи́тельства ве́чную ра́дость восприя́ли есте́,/ обре́тшеся я́ко зла́то неги́блющее Ца́рствия Бо́жия.
Сла́ва, и ны́не, пра́здника, глас то́йже.
Подо́бен: Удиви́ся Ио́сиф:
На горе́ Фаво́рстей преобрази́лся еси́, Иису́се,/ посреде́ Илии́ и Моисе́я прему́дрых, со Иа́ковом, и Петро́м, и Иоа́нном./ Петр же, сопребыва́я, сия́ Тебе́ глаго́лаше:/ добро́ зде есть сотвори́ти три се́ни,/ еди́ну Моисе́ю, и еди́ну Илии́, и еди́ну Тебе́, Влады́це Христу́./ И́же тогда́ Свет Твой сим возсия́вый, просвети́ ду́ши на́ша.
Песнь 4
Ирмо́с: Я́ко Петру́ ру́ку простры́й в по́мощь,/ и мене́ поми́луй,// и спаси́ я́ко Человеколю́бец.
О, вели́кий со́нме новому́чеников и испове́дников Солове́цких:/ святи́телие и иере́и, мона́си и мирсти́и,/ ста́рцы и ю́нии и жен сосло́вие, исполне́ние Це́ркве Христо́вы!/ Вы, на еди́ном по́прищи страда́ний совоку́пльшеся,/ еди́ну мзду во Ца́рствии Небе́снем обрето́сте.
Фаво́р и Ермо́н о и́мени Госпо́днем возра́довашася,/ Голго́фа же А́нзерская страда́ния земна́я и Небе́сную сла́ву новому́ченик пропове́дует./ Ти́и бо, го́рькими рабо́тами, гла́дом, боле́зньми и сме́ртию за Христа́ спасе́ние обре́тше,/ в го́рнем Иерусали́ме с первому́ченики ликовству́ют.
Архиере́ев ру́сских похвало́ и Солове́цких у́зников добро́то,/ патриа́ршаго чи́на ревни́телю и лжеобнови́телей Це́ркве обличи́телю,/ Иларио́не, священному́чениче богому́дрый,/ страда́ния о Го́споде и лови́тву рыб со смире́нием прия́л еси́, я́ко апо́стольское де́лание./ Ны́не же и нам те́плый моли́твенник и предста́тель пред Бо́гом явля́ешися.
Богоро́дичен: И́стинную Богоро́дицу Тя вси ро́дове родо́в сла́вят,/ святе́йшу А́нгел я́ве бы́вшу, Пресвята́я Де́во./ Те́мже вопие́м:/ освяти́ на́ша ду́ши, оскверни́вшияся страстьми́.
Песнь 5
Ирмо́с: У́тренюет дух мой к Тебе́, Бо́же,/ зане́ свет повеле́ния прише́ствия Твоего́,/ и́миже у́бо озари́ ум наш, Влады́ко,// и наста́ви на стезю́ жи́зни.
И́ноцы преподо́бнии дре́вле благоле́пием церко́вным о́стровы Солове́цкия преобрази́ша,/ новому́ченицы же и испове́дницы во дни гоне́ний лю́тых/ страда́ньми за Христа́ ме́сто сие́ па́че просла́виша./ Ны́не же ку́пно Бо́гу предстоя́т, моля́щеся о оби́тели Солове́цтей.
Вениами́не досточу́дне, па́стырю преди́вный,/ ты, Солове́цкия бра́тии нача́льник быв,/ свиде́тель злодея́ний и поруга́ния оби́тели святы́я яви́лся еси́./ Страда́льческую же кончи́ну от беззако́нник в земли́ Арха́нгельстей прие́м,/ му́ченический лик умно́жил еси́.
Благохвале́ние воздади́м богоблаже́нному Ники́фору,/ той бо, в Солове́цтей оби́тели преподо́бнически пожи́в,/ в изгна́нии о́бщник Вениами́ну яви́ся/ и, кончи́ну му́ченическую с ним вку́пе восприе́м,/ Ца́рствия Небе́снаго дости́же.
Богоро́дичен: Не пре́зри, моля́щи о нас/ Сы́на Твоего́, Христа́ Бо́га на́шего, при́сно Благослове́нная,/ изба́витися вся́кия ско́рби, Чи́стая.
Песнь 6
Ирмо́с: Бе́здна грехо́в и прегреше́ний бу́ря мя смуща́ет/ и во глубину́ ну́жднаго ре́ет мя отча́яния:/ но Твою́ кре́пкую ру́ку мне простри́, я́ко Петро́ви,// о Упра́вителю, и спаси́.
Во Христе́ страда́вше, новому́ченицы Солове́цтии,/ Це́ркве Правосла́вныя столпи́ кре́пцыи, я́ко победи́вшии ко́зни диа́вольския, яви́стеся,/ сего́ ра́ди дарова́ся вам и́мя но́вое и жи́тельство в Небе́снем Иерусали́ме.
Во страда́ниих и го́рьких рабо́тах на о́стровех Солове́цких подвиза́вшиися/ к покая́нию и доброде́тельному житию́ подви́гните нас, святи́и новому́ченицы,/ да и мы ва́шими моли́твами сподо́бимся прославля́ти Го́спода во Ца́рствии Его́.
В ско́рбех и беда́х, страда́ниих и тягота́х темни́чных многоле́тне пребыва́я, святи́телю Афана́сие, испове́дниче,/ слу́жбе боже́ственней всем се́рдцем прилежа́л еси́/ и песносло́вие хвале́бное святы́м земли́ Росси́йския сложи́л еси́./ Ны́не же с ни́ми во Ца́рствии Небе́снем пребыва́я,/ Тро́ицу Святу́ю прославля́еши.
Богоро́дичен: Сло́во во утро́бе Твое́й, Чи́стая, воплоща́ется,/ безслове́сных плотски́х страсте́й мир избавля́я.
Конда́к, глас 3:
Днесь престо́лу Бо́жию предстоя́т новому́ченицы Солове́цтии/ и с Небе́сными ли́ки за ны мо́лятся Бо́гу,/ мы же, па́мять их благогове́йно соверша́юще, взыва́ем:/ ра́дуйтеся, достопокланя́емии сро́дницы на́ши,// я́ко мзда ва́ша мно́га на Небесе́х.
И́кос:
Присноблаже́ннии новому́ченицы Солове́цтии,/ Христу́ Бо́гу ве́рно после́довавшии и мир просвети́вшии страда́нии ва́шими,/ вы, за́поведи Христо́вы испо́лнивше, блаже́нства Ева́нгельская насле́довали есте́./ Сего́ ра́ди, па́мять ва́шу благогове́йно соверша́юще, взыва́ем вам си́це:/
ра́дуйтеся, во смире́нии ду́хом Христо́вым обогати́вшиися;
ра́дуйтеся, в Бо́зе утеше́ние обре́тшии;
ра́дуйтеся, зе́млю кро́тких насле́довавшии;
ра́дуйтеся, оправда́нием Госпо́дним насы́тившиися;
ра́дуйтеся, милосе́рдием ми́лость Бо́жию стяжа́вшии;
ра́дуйтеся, чистото́ю се́рдца Бо́га узре́вшии;
ра́дуйтеся, мир сотво́рше, сы́ны Бо́жии нарече́ннии;
ра́дуйтеся, изгна́нием пра́вды ра́ди Ца́рствие Небе́сное улучи́вшии;
ра́дуйтеся, поноше́ния и оболга́ния за Христа́ прие́мшии.
Ра́дуйтеся и весели́теся, достопокланя́емии сро́дницы на́ши, я́ко мзда ва́ша мно́га на Небесе́х.
Песнь 7
Ирмо́с: Безу́мное веле́ние/ мучи́теля злочести́ваго лю́ди поколеба́,/ ды́шущее преще́ние и злохуле́ние богоме́рзкое,/ оба́че три о́троки не устраши́ я́рость зве́рская,/ ни огнь снеда́яй,/ но противоды́шущу росоно́сному Ду́ху,/ со огне́м су́ще поя́ху:// препе́тый отце́в и нас Бо́же, благослове́н еси́.
Мучи́телей злочести́вых преще́ние богоме́рзкое презре́вше, новому́ченицы и испове́дницы Солове́цтии,/ я́ко дре́вле о́троцы в пещи́, во огни́ гоне́ний поя́ху:/ препе́тый отце́в и наш Бо́же, благослове́н еси́.
Безу́мное веле́ние власти́телей,/ е́же Бо́гу не покланя́тися и не чти́ти Его́, му́жески отве́ргше,/ изгна́ния, заточе́ния и го́рькия рабо́ты,/ я́ко часть благу́ю, избра́ли есте́, святи́и му́ченицы, Го́споду взыва́юще:/ препе́тый отце́в и наш Бо́же, благослове́н еси́.
Посреде́ муче́ний тя́жких любо́вию к Бо́гу пламене́ли есте́, святи́и,/ и, мучи́телей злоухищре́ния многоразли́чная посрамля́юще,/ со дерзнове́нием взыва́ли есте́:/ препе́тый отце́в и наш Бо́же, благослове́н еси́.
Богоро́дичен: Блажа́т Тя, Пречи́стая, му́ченический лик и мучениколю́бцев собра́ние,/ Бо́жие бо Сло́во па́че ума́ и сло́ва родила́ еси́.
Песнь 8
Ирмо́с: Победи́тели мучи́теля и пла́мене,/ благода́тию Твое́ю бы́вше,/ за́поведем Твои́м зело́ прилежа́ще, о́троцы вопия́ху:// благослови́те, вся дела́ Госпо́дня, Го́спода.
Святи́и новому́ченицы и испове́дницы во времена́ богобо́рческая Солове́цкия ото́ки ще́дро облагодати́ша,/ их бо страда́нии и кро́вию/ ме́сто муче́ния селе́ние сла́вы Госпо́дни бысть.
Прехва́льне служи́телю Христо́в Арка́дие,/ ве́ры Правосла́вныя изря́дный пропове́дниче,/ милосе́рдием и нищелю́бием Бо́гу усе́рдно угожда́л еси́./ Сего́ ра́ди, на мно́га ле́та во о́стровех Солове́цких заточе́н быв,/ вене́ц му́ченический от Судии́ Всеми́лостиваго восприя́л еси́.
Тро́ичен: Свы́ше назира́йте, новому́ченицы, па́мять ва́шу любо́вию соверша́ющих/ и хода́тайствуйте у Трисо́лнечнаго Божества́ о проще́нии грехо́в,/ да ти́хое и безмо́лвное житие́ поживе́м во вся́ком благоче́стии и чистоте́.
Богоро́дичен: Дре́вле Елеаза́ру преподо́бному о гряду́щих гоне́ниих возвести́ла еси́, Богоро́дице Де́во,/ и Засту́пница Всемо́щная новому́чеником Солове́цким яви́лася еси́.
Песнь 9
Ирмо́с: Разбо́йника подража́яй окая́нный аз,/ испове́даяй Тя зову́ Тебе́,/ еди́наго от Отца́, и от Де́вы неизрече́нно воплоще́нна,/ и мене́ ра́ди бы́вша по мне:/ но, я́ко Свет у́мный, Со́лнце,/ не воспомяну́в зол, во Ца́рствии Твое́м помяни́ мя,// егда́ Судия́, Го́споди, ся́деши на Престо́ле.
Никоди́ма священному́ченика па́мять досто́йно почти́м,/ и́же жития́ преподо́бных Солове́цких соста́ви/ и по́двигом му́ченическим в Бе́ле гра́де архипа́стырство свое́ увенча́./ Сего́ ра́ди Белгоро́дская земля́ и оби́тель Солове́цкая вку́пе того́ прославля́ют.
Жизнода́вче Го́споди,/ моли́твами новому́чеников и испове́дников Солове́цких/ упоко́й со все́ми пра́ведными ве́рныя рабы́ Твоя́,/ за и́мя Твое́ на о́стровех сих пострада́вшия:/ святи́тели и иере́и, мона́хи и мирски́я,/ та́же жены́ с де́вами и всяк во́зраст и сосло́вие,/ и́хже имена́ Ты Сам ве́си,/ я́ко и́стинныя ча́да и дру́ги Твоя́.
Богоро́дичен: Досто́йно есть я́ко вои́стину блажи́ти Тя, Де́во Чи́стая,/ Твои́ми бо моли́твами всяк, испове́дуяй Сы́на Твоего́ я́ко и́стиннаго Бо́га утвержда́ется/ и жизнь ве́чную обрета́ет.
Свети́лен:
По́двиги и страда́нии новому́чеников и испове́дников Солове́цких/ свет Христо́в во тьме возсия́./ Его́же и нам улучи́ти сподо́би моли́твами святы́х Твои́х, Христе́, Све́те и́стинный.
Сла́ва, и ны́не, пра́здника:
Све́те неизме́нный, Сло́ве, Све́та Отца́ нерожде́нна, в явле́ннем све́те Твое́м,/ днесь на Фаво́ре Свет ви́дехом Отца́, Свет и Ду́ха,/ Све́том наставля́ющаго всю тварь.
На хвали́тех стихи́ры пра́здника, и святы́м, глас 8:
О, святи́и новому́ченицы Солове́цтии!/ Вы Го́спода сла́вы всем се́рдцем возлюби́ли есте́/ и Тому́ невозвра́тным по́мыслом после́довали есте́/ и, страсте́м Его́ поревнова́вше,/ венцы́ Небе́сныя стяжа́ли есте́./ Ны́не же в оби́телех Небе́сных пребыва́юще,// мо́литеся о спасе́нии душ на́ших.
О, святи́и новому́ченицы Солове́цтии!/ Кто изочте́т страда́ния ва́ша/ или́ кто возмо́жет восхвали́ти вас по достоя́нию?/ Вы бо, му́ки многоразли́чныя от злочести́вых восприе́мше,/ ве́ру непоро́чну сохрани́ли есте́/ и, в Небе́снем Ца́рствии блаже́нство изгна́нных пра́вды ра́ди унасле́довавше,// мо́литеся о душа́х на́ших.
О, страстоте́рпцы святи́и!/ Вы страда́нии свои́ми дре́вним му́чеником уподо́билися есте́/ и, преподо́бных Солове́цких в моли́тве призыва́юще,/ долготерпе́нию и ве́ре их подража́ли есте́./ И ны́не, ку́пно с ни́ми на Небесе́х Бо́га хва́ляще,// мо́литеся о душа́х на́ших.
Сла́ва, глас то́йже. Самогла́сен:
(А́ще хо́щеши пе́ти на самогла́сен, зри страни́цы последи́ слу́жбы)
И ны́не, пра́здника, глас то́йже:
Поя́т Христо́с Петра́, Иа́кова и Иоа́нна/ на го́ру высоку́ еди́ны,/ и преобрази́ся пред ни́ми: и просвети́ся лице́ Его́, я́ко со́лнце,/ ри́зы же Его́ бы́ша белы́ я́ко свет;/ и яви́шася Моисе́й и Илия́ с Ним глаго́люще,/ и о́блак све́тел осени́ их./ И се глас из о́блака глаго́лющ:/ Сей есть Сын Мой возлю́бленный,/ о Не́мже благоволи́х,// Того́ послу́шайте.
Славосло́вие вели́кое. Ектении́ и отпу́ст.
На Литурги́и
Блаже́нны пра́здника, песнь 4-я, на 6, и от кано́на новому́чеников, песнь 3-я, на 4. Проки́мен пра́здника, и новому́чеников, глас 4: Святы́м, и́же суть на земли́ Его́,/ удиви́ Госпо́дь вся хоте́ния Своя́ в них. Стих: Предзре́х Го́спода предо мно́ю вы́ну, я́ко одесну́ю мене́ есть, да не подви́жуся. Апо́стол пра́здника, и новому́чеников, к Ри́мляном, зача́ло 99 (гл. 8, 31–39). Аллилуиа́рий пра́здника, и новому́чеников, глас 4: Воззва́ша пра́веднии, и Госпо́дь услы́ша их, и от всех скорбе́й их изба́ви их. Стих: Мно́ги ско́рби пра́ведным, и от всех их изба́вит я́ Госпо́дь.
Ева́нгелие пра́здника, и новому́чеников, от Луки́ зача́ло 105–106. Коне́ц: Втерпе́нии ва́шем стяжи́те душа́ ва́ша: (гл. 21, 8–19). Прича́стен пра́здника, и новому́чеников: Ра́дуйтеся, пра́веднии, о Го́споде, пра́вым подоба́ет похвала́.
Моли́тва
О, достохва́льнии и великоимени́тии новому́ченицы и испове́дницы Солове́цтии! Вы гоне́ния, хлад, глад, наготу́, поноше́ния, поруга́ния и я́рость мучи́телей со смире́нием претерпева́юще, ве́ру тве́рдую, упова́ние непосра́мленное и любо́вь и́стинную к Бо́гу, бли́жним и гони́телем ва́шим яви́ли есте́.
Сего́ ра́ди ны́не, предстоя́ще Престо́лу Влады́ки Христа́, моли́те о благостоя́нии святы́я Це́ркве Ру́сския, да избе́гнет гоне́ний, раско́лов, ересе́й, ра́спрей и мяте́жа мирска́го, да восприи́мет архипа́стыри и па́стыри до́брыя, пеку́щияся о спасе́нии душ, да украси́тся и́ноки честны́ми, ста́рцы му́дрыми, му́жы добронра́вными и де́вами чи́стыми, во е́же в ми́ре глубо́це ти́хое и безмо́лвное житие́ пожи́ти нам во вся́ком благоче́стии и чистоте́.
А́ще же прии́дет и наш час пострада́ти за ве́ру Правосла́вную, утверди́те ны, недосто́йныя сро́дники ва́ша, в терпе́нии, да́руйте нам му́жество и кре́пость испове́дати пред челове́ки Христа́, и́стиннаго Бо́га, да сподо́бимся с ва́ми воспева́ти пречестно́е и животворя́щее и́мя Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.
